ޕީޕީ އެމް އިން ބެކަޕް ކެންޑިޑޭޓް އިއުލާން ކުރާނީ ކޮން އިރަކު؟
އަިދ ދާދިފަހުން ޕީޕީއެމްގެ މި އަހަރުގެ ރިޔާސީ ޓިކެޓް ކުރީގެ ރައީސް އަބްދުﷲ ޔާމީނަށް ދީފައި ވަނިކޮށް، އެ މަނިކުފާނުގެ ކެންޑިޑެސީއާ ދެކޮޅަށް މަސައްކަތް ކުރި ކަމަށް ބުނެ، މާލެ ސިޓީ ކައުންސިލްގެ މެމްބަރު އާދަމް ރަމީޒްގެ މައްސަލަ އެ ޕާޓީގެ ސުލޫކީ ކޮމިޓީން ބަލައި ނުނިމެނީސް އޭނާ ޕީޕީއެމުން ވަކިވުން ވެސް މިއީ ވަރަށް ހައިރާން ކުރުވަނިވި ކަމެކެވެ.
ޕީޕީއެމްގެ އިން ވަކި ވަމުން ރައީސް ޔާމީނަށް ރަމީޒް ފޮނުއްވި ސިޓީގައި އޭނާ ވިދާޅުވީ، މި ވަގުތު ޕީޕީއެމްގެ ހަރަކާތްތަކުގައި އުޅުއްވެން ނެތުމުން ޕާޓީގެ ދަފްތަރުން ވަކި ކޮށްދިނުމަށް އެދިވަޑައިގަންނަވާ ކަމަށެވެ. އިތުރު ވާހަކައެއް އެ ސިޓީގައި ނެތެވެ.
ރަމީޒް، ޕީޕީއެމުން ވަކިވެއްޖެ ކަމަށް ރޭގައި ފެތުރުނު ޚަބަރުތަކާ ގުޅިގެން ނޫސް ތަކުން ސުވާލު ކުރުމުންވެސް މާބޮޑު ތަފްސީލީ ޖަވާބެއް ރަމީޒް ނުދެއްވި އެވެ.
ސިޔާސީ މަސްރަހު ދިރާސާ ކުރައްވާ ފަރާތްތަކުން ދެކޭ ގޮތުގައި ބެކަޕް ކެންޑިޑޭޓެއް ޕީޕީއެމުން ދާދި އަވަހަށް އިއުލާން ކުރުމަކީ އެކަށީގެންވާ ކަމެކެވެ.
