ފާއިތުވި މަހު ރާއްޖެއަށް ކުރި ވިއްސާރައިގައި ލިބުނު ގެއްލުމުގެ އަގު 1.4 މިލިއަން ރުފިޔާއަށް އަރާ ކަމަށް ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީން ބުނެފިއެވެ.
އެންޑީއެމްއޭއިން ބުނީ ފާއިތުވެ ދިޔަ ސެޕްޓެމްބަރު މަހު ކުރި ރާއްޖެއަށް ކުރި ވިއްސާރައިގައި 4 ރަށަކަށް ބޯކޮށް ވާރޭވެހި ފެންބޮޑުވުމުގެ ސަބަބުން ލިބުނު ގެއްލުމުގެ އަގު 1.4 މިލިއަން ރުފިޔާ އަށް އަރާ ކަމަށެވެ.
ގޭތެރޭގައި ހިފާ ގެންގުޅޭ ޒަރޫރީ ތަކެއްޗަށާއި ފަރުނީޗަރަށް ލިބުނު ގެއްލުމަށް އެކަނި ވެސް 3 ލައްކަ ރުފިޔާއަށް ވުރެ ބޮޑު ކަމަށް އެންޑީއެމްއޭ އިން ވަނީ ބުނެފައެވެ.
ރަށްރަށުގައި ފެންބޮޑުވެ އާއްމު ފަރުދުންގެ ގެދޮރަށާއި މުދަލަށް ލިބޭ ގެއްލުން ކުޑަކުރުމުގެ މަގްސަދެއްގައި އާއްމުކޮށް ވާރޭ ވެހިގެން ފެންބޮޑުވާ 5 ރަށަކަށް މި އަހަރުގެ ތެރޭގައި ފެން ހިއްކާ ޕަމްޕު ހަވާލުކޮށްފައިވާ އިރު މި ފެށޭ ހަފްތާގައި އިތުރު 13 ރަށަކަށް ފެންހިއްކާ ޕަމްޕު ހަވާލުކުރުމަށް ހަމަޖެހިފައިވާ ކަމަށް ވެސް އެންޑީއެމްއޭ އިން ވަނީ ބުނެފައެވެ.